كلام ع الموضة

v

كلمات ع الموضة
v
v


أبو كلب:
وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب
v
v
v


أشكل:
جات فترة انتشرت دي الكلمة بصورة كبيرة وهي بشكل عام معناها الطناش
فلمن تجي تبغى تطنش شي تقول أديه أشكل ومأخوذة من لعبة البلوت أو الورق للأخوان اللي ما يعرفو معنى البلوت
v
v
v


أطبعوا:
ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قلت وماتعيد الكلام تاني فتقوله اطبعو بلاهه وربي بلاهه
v
v
v


أل:
انتشرت بشكل رهيب اضافة ال التعريف من باب المبالغة في الفترة الاخيرة زي مثلا لمن تشوف واحد غشيم تقول مو بس غشيم الغشيم ههههههه
ولمن شباب يعاكسوا في السوق ويشوفو بنات ما يقولو بنات البنات ماراح يفهمها إلا أهل الحجاز بصراحه لأنها تتنطق بطريقة مميزة
>>>> أموت في الطرق المميزة
v
v
v


إنبراش:
نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط الكلام يعني تكون انت والشلة بتهرجوا (بتتكلموا) في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير انبراشه
ولا لمن يكون الكل ساكت ويجي واحد يقول كلام ماله داعي زي نكته بايخه مثلا هنا نقول على الحركة دي انبراشه
v
v
v


بسط وهز وسط:
تخيلو الفيلم الهندي دا كله عشان تجاوب على احد يقولك كيف حالك؟


v
v
v


تشبيك:
ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني وتكلمني وزي كدا
v
v
v


تغريز:
كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها ههههههههههه او تقول فلانه غرزت عندي يعني وقعت في
دباديبي>>>> ايش بالله الكلام الفاضي دا نجيب لك ونش
احسن لك هههههههههههههههههههاي

وهذه كلمات تانية
دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطييك بمد الياء التانية زي متلا
يكون سجل قول ولا شي زي كده
v
v
v
أرنب,ركبه:
من الكلمات الي تدل اني انا باشوف بكشه قدامي
فيعني قلك بس انهم محترمين ومايبغو يقولو للقدامهم انو كذاب
يعني زي واحد قاعد يتكلم ويحكي وكول كلامو بكش
يقوم واحد يقول للتاني يواد(ياولد)شوف شوف ارانب
v
v
v
يلعن ام الفله:
وهادي من
الكلمات الي ماسكه في لساني
لمن يكونو في شباب وعجبتهم مره الطلعه ولا في اولاد يبسطو الواحد
يطلعو يقومو يقولو على الطلعه مثلا يلعن ام الفله
امووو:
يعني مسلا مين فين لأمو حلو
يابن الناس سيب امو في حالها هيا إشلها صلاح
v
v
v
فوكنا:
يعني تكون مافيك و واصله معاك على النهايه
واحد مطفشك تقولو ياشيخ فوكنا
v
v
v


فوكها:
هههههاي هادي المره هوا حيفكها
لمن الواحد تكون اخلاقو زفت ومررره طين
تقولو ياشيخ خلاص فوكها
v
v
v


قويييه:
لمن يسير شي مو عاجبك ولا شي كده مو زي الناس
تقول قوييييييييييييه بشد الياء
v
v
v


خريييش:
دي الكلمة لمن تكون جالس بين الشباب ويجيك واحد
يجلس يكدب ويلفق في الحكاية ويملح فيها تقوم تقول خريييييش
v
v
v


كووووووول:
وتنقال على أي شي يعجبهم
وهادي حأكتر منها
v
vبلف:
ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره
جديده وعجبته قوام(على طول) جاب وحده من نفس النوع هنا
نقول انه بلف ينبلف بسرعة هههههههههاي
ولمن يكونوا اتنين بيتضاربوا
يجي واحد يحرش .. نقول عليه
لاتبلف
ولا لما يكون واحد يجري بالكورة ولساعو بعيد عن المرمى ويجي واحد
يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص
v
v
v


حمزه:
هادا اللفظ اللي المفروض يتلغى من قاموس الشباب بتاتا البتة لأنه
على اسم صحابي جليل وحرام نهين الأسم بالصوره هادي وحمزه هادا اللفظ
معروف حاليا بين مجتمع الشباب بالشخص الركاب يعني الكزاب(كذاب)فلمن تلاقي
احد يبكش يقولوه بس ياحمزه
((ومو قصدي عليك ياحمزه ))
وبداية انتشار الكلمة كانت في
وقت احد مباريات الإتحاد لمن
الكابتن حمزه إدريس سجل هدف وكان من الأصل أوفسايد(تسلل)فواحد قال بس ياحمزه
فاتنشرت هادي الكلمه>>> ماأدري هادا الكلام صح أو غلط
v
v
v


جنط:
الكل يعرف جنوط السيارات طبعا لكن اليومين دول(هذه)برضو صار للجنط
معنى تاني
يعني لمن واحد يقرفك ويطفشك من كلامو
يقولوا لك الشباب اعطيلو جنط يعني طناش
وهادي فكرتها فوق بمعنى
أشكل
v
v
v


دافور:
دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة فنقول عنه\ـا دافور\ه اللي دايمن(بإستمرار)شغال
عالكتب ولا يسيبها زي ما يسموه المصارية عثة كتب>>>> الحمد لله خلصنا من الدوفرة ههههه
v
v
v
دعس:
دي الكلمة تنقال للإقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولو ادعس
v
v
v
زي الكرتوووون:
تنقال للواحد الأهبل >>>> هههههه راح نشوف كراتين كتييير الله يستر بس
v
v
v
شاكوش:
معناها الاصلي طبعا المطرقة لكن دحين صار معناها البنت ولا الولد
اللي مو حلو هههههههاي نقول عنه شاكوش
v
v
v
شباب في رحلة:
وهيا مرادف لكلمة مشي حالك اللي أستخد متها كتير في كلامي فلمن
تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي
v
v
v
يتبع
vأتمنى الموضوع نال إعجابكم >>>>>>> إللي عندو كلمات جديدة أو ما كتبتها يضيفها


منتظر ردودكم الحلوة بااااااااي

الله والكلمات اللي مالها داعي

والله مرد ال.... لل ....

بس خلهها مستورة


يسلموو اخي النادر موضوع حلوو

يسلمك ربي

ع فكرة نص الكلمات طلعت استخدمها بشكل مستمر
موضوعك حلو إلا الحلو

ع فكرة نص الكلمات طلعت استخدمها بشكل مستمر
موضوعك حلو إلا الحلو